नमस्कार शेतकरी बांधवांनो! आज, ३ नोव्हेंबर २०२५ रोजी, मी (पंजाब डख) तुमच्यासाठी महाराष्ट्राच्या हवामानाचा एकदम स्पष्ट अंदाज घेऊन आलो आहे. मागच्या दोन चक्रीवादळांमुळे अनेक शेतकऱ्यांचे नुकसान झाले. त्यामुळे ‘पाऊस कधी थांबणार?’ हा प्रश्न सर्वांच्या मनात आहे.( Panjabrao Dakh Andaj)
राज्यातल्या सर्व शेतकऱ्यांसाठी ही सर्वात मोठी आणि आनंदाची बातमी आहे.
राज्यात ७ नोव्हेंबरपासून पावसाचा ‘कायमचा विड्रॉल’
- पाऊस रजेवर: राज्यात ७ नोव्हेंबर २०२५ पासून पाऊस कायमचा रजेवर जाणार आहे. या तारखेला महाराष्ट्रातून पावसाळा अधिकृतपणे ‘संपला’ असे जाहीर होईल.
- थंडीची सुरुवात: ७ नोव्हेंबरपासून राज्यात थंडीला सुरुवात होणार आहे. ८ तारखेला थंडी वाढेल, ९ पासून ती आणखी तीव्र होणार आहे.
- तीव्र थंडीची लाट: १० आणि ११ नोव्हेंबर रोजी राज्यात इतकी थंडी वाढेल की, सगळ्यांना स्वेटर वापरावे लागतील!
थोडक्यात, ७ नोव्हेंबरनंतर राज्यात परत पाऊस येण्याची शक्यता नाही, उलट थंडीत लक्षणीय वाढ होणार आहे.
पुढील तीन दिवस: विखुरलेला पाऊस
आज, ३ नोव्हेंबर, ४ नोव्हेंबर आणि ५ नोव्हेंबर या तीन दिवसांदरम्यान राज्यात तुरळक ठिकाणी विखुरलेल्या स्वरूपाचा, भाग बदलत पाऊस पडेल. सर्वदूर मोठा पाऊस पडण्याची शक्यता नाही.
या जिल्ह्यांमध्ये तुरळक पाऊस:
- विदर्भ: यवतमाळ, वाशीम
- मराठवाडा: हिंगोली, नांदेड, परभणी, लातूर, धाराशिव (उस्मानाबाद), बीड, जालना
- मध्य महाराष्ट्र/दक्षिण महाराष्ट्र: अहिल्यानगर (अहमदनगर), सोलापूर, सांगली, सातारा
राज्यात थंडी कशी आणि कुठून सुरू होणार?
राज्यात थंडीची सुरुवात उत्तरेकडून (North) होणार आहे. थंडी कशी पुढे सरकेल याचा टप्प्याटप्प्याने अंदाज:
- ५ नोव्हेंबर (पहिला टप्पा):
- प्रदेश: नंदुरबार, नाशिक, निफाड, धुळे, जळगाव, मलकापूर, नांदुरा, खामगाव (बुलढाणा), अकोट, अकोला, तेल्हारा, अचलपूर, दर्यापूर, मोर्शी, अमरावती, वर्धा, भंडारा, नागपूर.
- या पट्ट्यात ५ तारखेला थंडी जाणवायला सुरुवात होईल, सोबतच धुकं (धुळी) देखील येऊ शकते.
- ६ नोव्हेंबर (दुसरा टप्पा):
- प्रदेश: संगमनेर, आंबेगाव, जुन्नर, अहिल्यानगर, संभाजीनगर (औरंगाबाद), बीड, परभणी, जालना, हिंगोली, वाशिम आणि यवतमाळ.
- थंडी पुढे सरकत या जिल्ह्यांमध्ये दाखल होईल.
- ७ नोव्हेंबर (तिसरा टप्पा – दक्षिणेकडे):
- प्रदेश: पुणे, सातारा, सांगली, सोलापूर, कोल्हापूर, धाराशिव, पंढरपूर, लातूर, नांदेड, धर्माबाद.
- ७ तारखेला थंडी दक्षिणेकडील या भागांत जाणवेल.
- ८ व ९ नोव्हेंबर: थंडी पुढे तेलंगणा, कर्नाटक, आंध्र प्रदेश आणि केरळपर्यंत सरकेल.
थंडीतील वाढ: ७ तारखेच्या नंतर थंडी सतत वाढत जाईल (८, ९, १०, ११ नोव्हेंबर… असे दिवस जसजसे पुढे जातील, तसतशी थंडीची तीव्रता वाढत जाईल).
विविध उत्पादक व शेतकऱ्यांसाठी खास सूचना
- वीट भट्टी उत्पादक: ज्यांना वीट भट्ट्या सुरू करायच्या आहेत, त्यांनी ७ नोव्हेंबरपासून (पाऊस थांबल्यानंतर) काम सुरू करू शकता.
- द्राक्ष उत्पादक: द्राक्षांसाठी फवारणी/स्प्रे करण्यासाठी ३ तास ऊन आवश्यक असते. ६ तारखेच्या नंतर द्राक्ष पट्ट्यात चांगले सूर्यदर्शन होईल आणि थंडीची चाहुल लागेल.
- हरभरा आणि गहू शेतकरी: पाऊस थांबल्यानंतर आणि जशी वापसा होईल, तशी ७ नोव्हेंबरच्या नंतर हरभरा आणि गहू या पिकांची पेरणी सुरू करू शकता. थंडी पेरणीसाठी अनुकूल ठरेल.
- मका आणि सोयाबीन शेतकरी: ज्यांना मका काढायचा आहे किंवा सोयाबीनचे वळे लावून ठेवले आहेत, ते सर्व कामे ७ नोव्हेंबरनंतर पाऊस नसल्यामुळे सुरक्षितपणे करू शकतात.
